E nacion di Mali na Africa occidental tin un mashin di ventilacion pa cada miyon di persona, 20 total pa yuda pashent den condicion respiratorio critico. E virus ta moviendo na parti di mundo cu por ta menos prepara.
Algun pais di Africa y Latino America tin tiki ekipo of capacidad di personal di salud pa duna sosten. Hopi di nan nacion ta cerando frontera y prohibiendo reunion grandi, cu speransa di evita e scenarionan mira na paisnan mas rico manera Italia of Merca, pero transmision local ya a cuminsa.
Contene e brote ta un reto nobo. Africa tin menos di 800 caso confirma y Latino America menos di dos mil, pero un respuesta trempan ta crucial mientras sistemanan di salud fragil rapidamente por wordo abruma.
Cu recursonan asina limita, expertonan ta bisa cu identificacion di caso, track, y test ta clave.
Hopi pais den Africa sub-Sahara no tin sala di isolacion ni cantidad grandi di trahadonan di salud pa responde na e aumento di pashent cu COVID-19. Liberia y Burkina Faso tin apenas algun mashin ventilador pa nan miyones di habitante.
Dr. Bernard Olayo, fundado di Centro pa Salud Publico y Desaroyo basa na Kenya, a bisa cu mayoria di pais Africano no por afford ventilador. Hasta si otro pais provee e mashinnan, no ta suficiente pasobra falta personal cualifica pa usa nan.
Hopi pashent lo recupera cu solamente oxigeno, el a bisa, pero alrededor di mita di facilidad di salud den paisnan Africano no tin suministro confiabel di oxigeno. Mirando e falta di electricidad den cantidad di pais, generado di oxigeno y cilinder di presion ta necesario pasobra nan por traha sin coriente.
Director regional di Africa pa WHO, Dr. Matshidiso Moeti, a bisa cu falta di facilidadnan di ICU y ventilador ta un di e retonan mas grandi cu e continente ta enfrenta.
