Siguridad di Afghanistan a bay contra Taliban na e provincia di Nangargar, unda pa eror a mata 6 civil, entre nan tin un muhe y dos mucha, segun funcionario provincial.
Attahullah Khogyani, vocero di gobernador provincial, a bisa cu 10 rebelde tambe a muri den e atake. E vehiculo di e civilnan tabata saliendo di e area net despues di e atake, y forsanan di siguridad a pensa cu tabata trata di Taliban purbando di huy, pues nan a tira riba nan y pa eror a mata e civilnan, Khogyani a bisa.
Tanto rebelde di e grupo Taliban y estado Islam ta activo na Afghanistan. E mision di asistencia di Merca na e pais a bisa cu nan ta preocupa pa e gran cantidad di victima civil cu ta perde nan bida, y mas den e luna di Ramadan.
Khogyani a condena rebelde pa incidente di atakenan contra persona civil, y durante e prome siman di Ramadan, Taliban a mata 6 civil y a herida 28 den un atake contra un organisacion no gubernamental na Kabul.
E comunicado a bisa cu e mision di Merca ta pa investiga e atake contra un moskee na e capital di Kabul durante oracion. Dos persona, incluyendo e lider di oracion, a wordo asesina y otro 16 a resulta herida.
“Nunca por hustifica atake contra civil, tampoco un atake den un moskee, specialmente na momento di oracion durante Ramadan ta un horor”, Tadamichi Yamamoto a bisa, kende ta representante special di secretario general pa Afghanistan.
