Recientemente Aeropuerto Internacional Reina Beatrix a ricibi un premio nobo “Route Exchange Award at RoutesAmericas 2020”, cu ta reconoce nan excelencia den e esfuersonan den marketing digital y e participacion di e aerolineanan a traves di Route Exchange Platform
“Nos ta profundamente honra di gana e FirstRoutes Exchange Award 2020 den e forum di Desaroyo di Ruta pa America!”, ta e palabra di Jo-Anne Meaux-Arends, Aruba AirportAuthority N.V. su Air ServiceDevelopment Manager.
E ekipo Comercial y di Mercadeo (Air ServiceDevelopment& PR) ta contento cu e premio aki – y e echo cu e ekipo su trabou duro, dedicacion, innovacion y diversidad di acceso den henter America a ser reconoci pa aerolineanan excepcional asocia y e organisacion di RoutesAmericas. E exito di e ekipo aki realmente ta e sinergia creativo, e clima di diversidad cultiva den unidad pa por obtene y mantene un bentaha diferencial competitivo. Door di participa y conecta cu e doelgroep di Aeropuerto di Aruba a traves di diferente tipo di plataforma di comunicacion.
Routes a demostra di ta un adkisicion valioso pa complimenta e strategia di desaroyo di servicio aereo di Aeropuerto di Aruba. E evento a brinda Aeropuerto di Aruba un acceso incomparabel na mas di 20 aerolinea y ‘decisionmakers’, dunando e ekipo di Aeropuerto di Aruba un plataforma adicional pa mustra tur e casonan den desaroyo di e rutanan.
