Recien Minister Dangui Oduber a splica cu den dos aña Aeropuerto Reina Beatrix lo tin un CEO local na cabes.
Segun e fuente NoticiaCla, e CEA saliente James Fazio a splica di con aeropuerto ainda no tin un CEO local na mando. Ta asina cu gobierno a aproba e persona cu Royal Schiphol group cu ta e grupo cu ta maneha aeropuerto a presenta Joost Meijs. Actualmente tin un proyecto miyonario andando na aeropuerto cual lo dura 5 aña y Meijs tin experencia den esaki mirando cu el a experencia e renobacion di aeropuerto na Eindhoven.
E mandatario a bisa cu nan kier tin un Arubano como CEO di aeropuerto y e motibo cu e esaki no a sosode ainda, ta paso cu e CEO mester sa con pa maneha un proyecto di construccion y mester e experencia den esaki.
E mandatario ta sigui bisa cu durante negociacion pa un CEO nobo cu nan partner Royal Schiphol Group nan a yega na un acuerdo cu esaki lo ta e ultimo CEO cu e grupo lo propone. E intencion ta pa den 2 mas tarda 3 aña aeropuerto Reina Beatrix lo tin un persona local como CEO.
