Aeropuerto di St. Maarten ta bay dilanti cu reconstruccion di terminal

Aeropuerto Internacional Princess Juliana (PJIAE) a anuncia cu e maneho di contract y servicionan di supervision tecnico pa e Proyecto di Reconstruccion di Terminal di Aeropuerto PJIA a ser otorga na Royal HaskoningDHV, compania mama di Consultant di Aeropuerto di Hulanda NACO. E ultimo tabata e compania di ingenieria principal pa e Terminal PJIA actual, completa na 2006.

E responsabilidadnan lo inclui revisa e factura di cantidad pa sigura cu e trabao ta siendo ehecuta eficientemente. E compania tambe la maneha e proceso di inspeccion y siguransa di calidad.

Proyecto di Reconstruccion di Terminal di Aeropuerto ta un proyecto di renobacion esencial pa PJIA, cual a ser daña severamente pa horcan Irma na 2017, e aeropuerto a bisa den un comunicado di prensa siman pasa.
E reconstruccion di e terminal tambe lo inclui upgradenan mayor cu control di frontera completamente automatisa, upgrade den counter di check-in, booth di car rental reubica y mas eficiente, y un enfoke riba crea caracteristicanan visual, cultural y ambiental ‘Sense of Place’ den e terminal.

E ultimo tambe ta inclui e adicion di espacionan di retail y F&B ofreciendo mas oportunidad pa productonan local autentico, segun e comunicado.

CEO di PJIA, Brian Mingo a bisa cu e ta emociona cu e progreso cu e team di proyecto di reconstruccion a haci cu nombramento di Royal HaskoningDHV. “Nos a indica e importancia pa empleo y oportunidadnan di negoshi local sostene bida na St. Maarten y empleo den sector construccion. P’esey mi ta complaci di compronde cu ya nan a contrata varios compania local como parti di e proyecto”, Mingo a bisa.

Director di Aviacion di NACO, Paul Govaerts, a papia di a ser otorga e contract: “Pa motibo di nos participacion a largo plaso den Aeropuerto Internacional Princess Juliana, nos tin bon comprension y consciencia di circunstancia- y condicionnan local, cual ta pakico nos kier traha cu partnernan local riba tur nos proyecto. Pa e proyectonan aki, nos a asocia cu dos compania local – ICE Independent Consulting Engineers NV y CECC Caribbean Engineering and Consultancy Company.”

El a bisa cu ademas di expande participacion local den e proyecto, tambe kier sigura cu e conocemento di e facilidad nobo y experticio regular den tur sistema lo ta disponibel pa PJIA localmente, tanto durante y despues cu e proyecto keda completa.

“E supervisornan local ta completamente na altura di legislacion local, tin bon relacion laboral cu autoridadnan local, y tin conocemento amplio y actual riba e facilidadnan existente di aeropuerto, tur cu ta haci nan miembronan extremadamente valioso pa e team.”