E crecemento den turismo a contribui pa asina Aeropuerto Internacional Reina Beatrix kibra un record pa cantidad di trafico di pasahero den prome mita di 2024, segun reportahenan oficial di aeropuerto.
E aeropuerto a mira 803,287 pasahero, cu ta genera ganashi, den e prome seis luna di aña, cual ta un cantidad record di pasahero pa nos aeropuerto. Esaki tabata un aumento di 19 porciento riba e mesun periodo di aña pasa, segun e aeropuerto a comparti. Prensa internacional a tuma nota di esaki, cu un articulo apareciendo riba e portal online, Caribbean Journal.
Merca a continua como lider cu 73 porciento di market share, a pesar cu esaki tabata en realidad un porciento menos cu añanan anterior, danki na esfuersonan pa atrae y expande mercadonan nobo, particularmente na Sur America, cu a keda anuncia na december 2023.
Aruba a ricibi vuelo di 26 aerolinea diferente den e prome mita, cu un total di 14mil movemento di avion comercial.
E noticia aki ta yega mientras Aruba ta prepara pa e debut na 2025 di su terminal nobo pa departures (salida) pa Merca.
