Si ta pa Curaçao Airport Partners (CAP), pasaheronan cu sali di aeropuerto di Corsou na Hato lo mester paga 210 dollar pa persona. Chata sinembargo no ta di acuerdo cu subi e airport tax.
Hato ta bisa cu mester subi nan entrada pasobra a haya perdida substancial den nan entrada pa via di e lockdown, pero te ainda subi e airport tax cu 210 dollar ta solamente un proposicion. Chata, e gremio cu ta representa industria hotelero y di apartamento na Corsou, sinembargo ta haya cu esaki lo tin un efecto pisa riba turismo, mirando cu turistanan lo mester paga 210 dollar extra riba nan ticket pa por bay riba vakantie na Corsou.
Esaki Chata a anuncia despues cu aeropuerto na Hato a manda un carta cu e informacion aki na e varios stakeholders, unda nan ta referi na e comunicacion como un ‘consultacion’, maske nan a indica cu conforme reglanan vigente nan por impone e tarifanan aki.
