INDONESIA – Garuda Indonesia ta e compania, nan ta busca pa cancela un orden di varios biyon di dollar pa 49 unidad di 737 max 8 jet, agregando cu a perde confiansa despues di dos accident den un periodo di 6 luna.
Esaki lo bira e prome anuncio di cancelacion di e modelo aki, despues cu a prohibi mayoria di nan pa bula. E compania cu a pidi 50 max 8 jet na 2014, solamente a ricibi un. Nan a manda un carta cu kier cancela e orden na balor di $4.9 biyon, vocero di e compania, Ikhsan Rosan a bisa diabierna.
“Pasahero ta puntra ki tipo di avion nan ta bay bula cune, e ta manera nan a perde confiansa den e Max 8 jet, e ta afecta nos negoshi”, Rosan a informa AP. Rosan lo reuni otro siman cu representante di Boeing na Jakarta pa discuti e cancelacion.
El a agrega cu nan no kier uza e Max 8 jet, pero ta considera un intercambio pa otro modelo di avion Boeing. El a remarca cu e pasaheronan di Indonesia tin miedo di biaha cu cualkier modelo Max, sea ta 8, 9 of 10.
Na Europa, tin algun compania a bisa cu considerando pa puntra un compensacion financiero di Boeing sea na cualkier retraso, of entrega 737 Max 8 despues cu avion a keda prohibi globalmente despues di accidente.
