E decision di Corte Comun di Husticia di Aruba, Corsou, Boneiro, Sint-Eustatius y Saba tocante e parehanan di mesun sexo na Aruba y Corsou por casa entre nan ta mantene, esey ta loke Advocaat-General (AG) Sneijders a conseha na Hoge Raad den su conclusionnan di ayera pa e recursonan di casacion di Aruba y Corsou cu ta contra e decision aki.

Ayera 22 december 2023, Fundacion Orguyo Aruba a ricibi e grato noticia for di nan oficina di abogado na Amsterdam cu e Advocaat-General a saca su conseho pa Hoge Raad mas tempran cu a ser anticipa na november ultimo.

Manera ya ta conoci, Fundacion Orguyo Aruba, a entama un caso contra pais Aruba na 2019 unda ta exigi pais Aruba pa caba cu discriminacion y habri matrimonio pa pareha nan di mesun sexo. Na 2020 Fundacion Orguyo a gana e caso aki. Como cu e veredicto solamente a constata discriminacion door di Pais Aruba, sin un consecuencia legal directo, Fundacion Orguyo Aruba a bay den apelacion.

Riba 6 di december 2022, Fundacion Orguyo Aruba a bolbe gana e caso. Aki si e huesnan di e Corte Comun di Husticia di Aruba, Curacao y Sint Maarten y di Boneiro, Sint-Eustatius y Saba (“Hof”) a yega na veredicto cu atrobe, Aruba ta discrimina ora ta nenga pareha nan di mesun sexo pa contrae un matrimonio y ta ordena pa habri matrimonio pa pareha di mesun sexo di biaha, pero cu e posibilidad prome cu e partidonan por bay den casacion.

Esaki pais Aruba a scoge y na november 2022 a tuma luga e proceso di casacion.

“Awe nos ta contento di por comparti un actualisacion importante den e caso di igualdad matrimonial na Hoge Raad. E Advocaat-Generaal a duna un conseho positivo pa nos comunidad, consehando Hoge Raad pa nenga e peticion pa casacion, confirmando e veredicto duna pa Corte Comun di Husticia di December 2022.” Fundacion Orguya a declara.

Alabes tambe nan a sigura “Cu esaki un bloki mas di e muraya di desigualdad ta ser kibra, sperando cu Hoge Raad lo sigui e conseho y tumba e muraya por completo abou!”

E fecha pa Hoge Raad duna su veredicto ta provisionalmente poni pa 31 mei 2024.

Hoge Raad
 Den un comunicado pa prensa di Hoge Raad publica ayera, ta indica cu tin dos caso, esun di Aruba y esun di Corsou na unda un grupo di interes y un pareha di mesun sexo ta reclama pa habri e posibilidad pa parehanan di mesun sexo por casa, segun Codigo Civil tanto di Aruba como di Corsou e matrimonio solamente ta posibel entre hende homber y hende muhe.

Den esaki, Aruba y Corsou ta diferencia di Hulanda na unda cu for di 2001 Codigo Civil ta stipula cu matrimonio pa parehanan di mesun sexo ta posibel.

Segun e gruponan di interes, ta existi un discriminacion pa motibo di orientacion sexual, cu igual cu Hulanda, den articulo 1 di Constitucion no ta permiti pa normanan estatal di Aruba y Corsou. Por lo tanto, e posibilidad di contrae matrimonio tambe mester existi pa parehanan di mesun sexo, manera e gruponan di interes ta sigura.

Decision di HOF
 Den ambos caso, HOF a dicta cu si tabata existi discriminacion, HOF ta indica cu no ta existi un hustificacion algun pa no habri e matrimonio igualitario entre personanan di mesun sexo. Aruba y Corsou tin añanan sin modifica nan leynan. Esaki ta viola e prohibicion di discriminacion di normanan general di ambos pais. Cortenan di e poder pa elimina e discriminacion aki dictando cu matrimonio tambe ta habri pa parehanan di mesun sexo aunke ley no ta señala esey, esey no ta nifica cu no mester di un cambio di ley. Por lo tanto, den su sentencia HOF a habri e matrimonio entre parehanan di mesun sexo.

Casacion (demandanan)
 Aruba y Corsou a pidi na Hoge Raad pa anula e decision di HOF y no ta discuti si tin discriminacion contra parehanan di mesun sexo. Sinembargo, ta considera cu e ley solamente por ser modifica mediante un enmienda legislativo formal, kiermen mediante un decision conhunto entre gobierno y Parlamento di Aruba y esun di Corsou, segun ambos pais, huesnan no ta autorisa pa modifica leynan. Solamente nan kier pa introduci e union registra pa aprehanan di mesun sexo pa lo cual Aruba a haci’e na 2021.

Opinion di Advocaat-General (AG)
 Segun AG, e dos demanda di casacion di Aruba y Corsou ta carece di fundamento. Staatsregelingen di Aruba y Corsou ta otorga na huesnan e facultad di revisa ley, entre otro, e prohibicion di discriminacion den e Staatsregelingen. Esaki ta denomina un revision constitucional, prohibicion di discriminacion ta igual na Aruba, Corsou y Hulanda, por lo tanto, discriminacion pa orientacion sexual tambe ta prohibi na Aruba y Corsou. E disposicion legal contrario na e prohibicion mester, segun Staatsregelingen di Aruba y Corsou, no por ser exclui pa corte, den caso cu ta ser exclui, e disposicion legal tocante matrimonio no ta ofrece un solucion pa motibo cu e parehanan di mesun sexo tampoco lo por casa. P’esey mester haya un otro solucion.

Manera splicacion ta indica tocante e revision constitucional den Parlamentonan di Aruba y Corsou tin e hurisprudencia di Hoge Raad, cu ta autorisa di determina e solucion ey solamente si e solucion ey ta implica un forma grave di discriminacion. Den caso aki, hues ta autorisa di interpreta e ley di forma diferente manera ta lesa y tabata pretende originalmente. E rason ta cu hues mester ta capaz. Si ta posibel, di pone fin na discriminacion. Ademas, den medida cu discriminacion ta existi, ley ta carece di validez. Den principio, e posibilidad aki no ta existi si tin varios solucion. E eleccion entre e solucionnan ey ta coresponde na e legislador, tribunal no por, den principio, haci e eleccion ey.

E opinion di AG ta un opinion independiente pa Hoge Raad ken ta dicidi si ta sigui’e of no. AG ta forma parti di Hoge Raad cu ta un parti independiente y autonomo di e organisacion hudicial.