Departamento Meteorologico di Aruba ta manda advertencia pa biento duro en efecto diarason te cu diabierna. Areanan cu lo ta afecta ta full Aruba.
Un area di presion halto riba mar Atlantico y un area di presion abou na Colombia lo mantene diferencia grandi di presion den nos area y asina tin aumento di biento fuerte te duro. Biento lo supla cu mas o menos 20 nudo y ta anticipa cu lo tin rafaga te 35 y 40 nudo.
Precaucion
Usuarionan di lama ta wordo urgi pa tene cautele riba lama, mara obehetonan cu ta los pasobra nan por bula rond door di e biento asina fuerte. Turistanan no mester bay lew den lama, specialmente banda costanan parti Noord y Oost. Adicionalmente tambe keda alerta entre waf y manchebo Beach Hotel.
