“Tur comerciante y importado di klapchi mester manda tur e papelnan pa nan broker, pa esakinan por haci tur e tramitenan di declaracion (aangifte) na tempo, prome cu e container yega Aruba”, segun e Departamento di Aduana. Nan ta suplica urgente na tur comerciante pa tene cuenta e cu e aviso aki.
Aduana ta sigi bisa: “Comerciantenan y broker mester tene bon cuenta cu e advertencia aki, pasobra tur container di klapchi cu yega Aruba, y e declaracion no ta traha den e sistema di Aduana, ta wordo tuma den beslag.” Na momento cu e container sali for di waf pa bay wela e declaracion, e mester ta hinka den asycuda. Di lo contrario, e inversion di klapchi ta bay perdi.
Banda di haci e declaracionnan na tempo, Departamento di Aduana ta recorda tur importador pa manda documentacion corecto pa e proceso por cana su caminda sin niun dificultad y no wordo tranca pa culpa di e mesun importador manera tabata e caso aña pasa.
