(CNET) – E administracion Biden a rekeri pa TikTok su doñonan Chines bende nan parti di e aplicacion popular of enfrenta un posibel prohibicion na Merca, TikTok su representante a confirma diaranson.

E movida aki ta bini despues cu oficialnan di Merca cada biaha ta trece dilanti mas preocupacion cu data di usuarionan na China lo por ser pasa na China su gobierno. E demanda pa TikTok su benta a keda disminui pa Committee on Foreign Investment na Merca, un multiagencia federal cu ta revisa adkisicionnan cu por resulta den un compania den exterior controlando negoshinan Mericano, fuentenan a conta The Wall Street Journal. Un preocupacion clave entre oficialnan ta cu e gobierno Chino por usa TikTok pa dicta ki contenido ta of no ta aparece riba e plataforma como un intento di influencia e opinion popular publico na Merca.

TikTok, un aplicacion di videonan cortico popular y propiedad di compania di tecnologia Chino ByteDance y ta sumamente popular na Merca, specialmente entre hobennan, ta competiendo cu plataformanan manera Instagram y YouTube. Mas o menos 67% di hobennan na Merca a bisa cu nan a yega di usa TikTok, segun un encuesta den aña 2022 publica pa Pew Research Center.

E popularidad aumentando di e aplicacion a solamente aumenta miedo entre e autoridadnan y e gobierno Mericano tocante ki data TikTok ta colecta y comparti tocante su 100 miyon usuarionan Mericano. Anteriormente e luna aki, e Cas di Republicanonan a bisa cu nan lo empodera Biden su administracion su prohibicion di TikTok den henter e nacion.

Mientrastanto, TikTok ta den reunionnan cu autoridadnan di Merca y a conta nan tocante un plan di 1.5 biyon dollar pa reorganisa TikTok su negoshi na Merca segun loke The Wall Street Journal a reporta den januari. “Si e proteccion di siguridad nacional ta e obhetivo, benta no ta resolve e problema; Un cambio den dono no lo impone ningun restriccion nobo riba fluho di data ni tampoco acceso,” vocero di TikTok Hilary McQuaide a bisa den un declaracion.

“E miho manera di trata e preocupacionnan aki tocante siguridad nacional ta cu e proteccion basa na Merca transparente y cu sistemanan cu tin monitor di tercer Partido y verificacion, cual nos ta den proceso di implementa caba.”

TikTok varios biaha a declara caba cu nan no ta comparti data cu gobierno Chino, sinembargo e compania su remarcanan no ta suficiente pa alivia e preocupacionnan. Den november, director di FBI Christopher Wray a bisa e aplicacion por ser usa pa “controla coleccion di data di miyones di usuario of controla e algoritmo di recomendacion, cual por ser usa pa influencia operacionnan si nan dicidi di haci esaki of pa controla programacion di miyones di dispositivo.”

Den december, autoridadnan Mericano a prohibi e aplicacion for di dispositivonan di gobierno. Otro paisnan, incluyendo Canada, estadonan miembro di Union Europeo y Taiwan, a tuma pasonan similar. E aplicacion tambe ta prohibi for di uso den dispositivonan duna pa gobierno of rednan den algun estado manera Virginia y Georgia, cu algun Universidad na Georgia, Oklahoma y Alabama di manera similar ta preveni acceso riba rednan y computernan na e scol.

Preocupacionnan tocante TikTok su doño y e siguridad nacional no ta nobo. E administracion Trump a pusha sin exito pa e prohibicion di e plataforma riba rednan social na Merca, sinembargo e esfuerso aki a keda blokia pa corte.