(TMZ) – Adidas su anuncio cu nan lo bende diseño di Yeezy sin e marca di Yeezy normalmente lo nifica placa pa Kanye West sinembargo TMZ a haya informacion cu e tin e derecho aki por escrito pero no lo ricibi nada.
Fuentenan cu conocemento directo tocante e trato cu Kanye a firma cu Adidas, a conta cu tin un clausula den e contract unda cu ta bisa cu e celebridad lo ricibi un tarifa reduci si Adidas bente su diseñonan sin su marca.
Esaki ta interesante pa motibo cu ora cu Adidas a corta nan laso cu Kanye luna pasa pa causa di e cantante su comentarionan y declaracionnan cu no tabata bon ricibi, el a bisa cu nan no lo paga Kanye nada for di e dia ey en adelante. Claramente, esaki tabata prome cu e anuncio unda cu nan a declara cu lo continua cu e benta di Yeezy den aña 2023, sinembargo cu esaki lo tin e marca y logo di Adidas na luga di esun di Yeezy.
TMZ a puntra e compania di keds Aleman si nan tin plan di cumpli cu e pago di e tarifa reduci aki y e vocero a revela cu Kanye no lo ricibi ningun pago. Posiblemente tin un clausula di moral tambe den e contract, y Adidas facilmente lo por bisa cu Kanye su comentarionan di odio posiblemente a constitui kibramento di regla di econtract, cual ta causa cu nan trato ta nulo.
Adidas no lo provee mas informacion tocante esaki. En todo caso, Kanye West lo mester bay dilanti Hues pa por haya compensacion pa e benta di Yeezy sin su marca.
