(TMZ) – Adele a duna comentario tocante e incidentenan cu ta tumando luga ultimamente unda personanan den audiencia di cantantenan ta tira articulonan riba escenario, y el a haci un chiste unda el a menasa e fanaticonan presente.
E cantante famoso a tuma un momento durante su concierto, parando pa papia tocante e cosnan cu ta tumando luga den e cultura ultimamente. E incidente mas recien di esaki a resulta den herida serio causa na e canta, pues ta trata di Bebe Rexha.
Den medio di su concierto na Las Vegas, el a reta un persona den e audiencia pa tira cualkier cos den su direccion. “Tirando cos riba stage, bo a mira nan? Mi ta retado. Mi ta retabo tira algo riba mi. Mi ta matabo,” el a expresa, cu un canon di t-shirt den su man. E audiencia a ricibi esaki manera loke e ta, un chiste cu un poco di seriedad su tras, purbando di trece dilanti cu e comportamento aki ta inaceptabel pero di un manera cu ta mantene e bon ambiente den e concierto. Despues di a haci e comentario, el a los e tiro di e canon mandando un di su t-shirtnan den e publico.
E incidente cu a tuma luga recientemente na Bebe Rexhga su concierto, unda un persona den e audiencia a tira nan celular contra dje causando herida cu por a ta bastante grave riba e cantante su wowo, ta solamente un di e varios incidente cu ta tumando luga den e desaroyo aki dentro di e cultura di asisti conciertonan. Recientemente, na un concierto di e cantante Pink, un persona den e audiencia a tira e senisa di su mama riba escenario, causando asombro den e cantante ken a expresa cu e no ta sigur con pa sinti cu esaki.
Loke ta keda cla ta cu Adele no ta di acuerdo cu e moda aki y a expresa su sentimentonan. Aunke algun ta argumenta cu esaki ta un moda cu cantantenan mes a fomenta, mirando cu den varios ocasion artistanan ta saca selfie cu e celularnan cu keda tira riba escenario.
