Adele: ”Donald Trump no tabata tin permiso pa uza mi musica”

E candidato Republicano, kende su slogan ta ”Ban haci America grandioso atrobe”,  ta recientemente
uzando Adele su hit ‘Rolling In The Deep’ como musica pa ”warm up”  su campaña electoral.
”Adele no a duna permiso pa uza su musica pa ningun campaña electoral” , Adele su manager a confirma.

Esaki no ta e prome biaha cu Trump a wordo critica pa su mal uzo di cancionnan pop.
Abogadonan di Steven Tyler, artista di e banda Aerosmith, a manda Trump un carta aña pasa
pa e stop di haci uzo di su cancion despues cu e politico a  uza e hit titula ‘Dream On’ riba varios
reunion electoral rond di America. E carta a declara cu e acto di Trump uzando e cancion a duna un ”impresion falso’. Steven Tyler ni e banda Aerosmith nunca a duna Trump permiso pa uza e cancion y henter e pais tabata bao di e impresion cu Trump tabata hayando apoyo for di nan.
Trump a responde riba Twitter, declarando cu e tabata tin e derecho legal pa uza e cancion,
pero cu e la haya ”un mas miho pa reemplasa esun ey”. E la agrega cu:
”Steven Tyler a haya mas publicidad riba su cancion awe compara cu 10 aña atras. Hopi bon pe!”

Tecnicamente, e leynan di derecho di autor na America ta duna politiconan e luz berde pa uza
cualkier musica pa nan campaña electoral – tanten cu e escenario cu nan uza tin un licencia di rendimento publico aproba door di ASCAP (Songwriter’s Association), BMI den America of
PRS den UK. E artista tog tin derecho di hasi un keho si su imagen of reputacion a wordo perhudica
door di e uzo repentino di  un cancion sin nan permiso.

Source: BBC