(TMZ) – Michael Jackson su compania di produccion kier stop dos di su acusadornan di haya potretnan di polis cu ta inclui imagen di su partinan priva, cual nan ta bisa cu nan tin tur derecho di tin.
John Carpenter, e abogado cu ta representando Wade Robson y James Safechuck, ta conta TMZ cu “The Los Angeles Police Departmenr y Santa Barbara Police Department a duna Michael Jackson y su ekipo legal incluyendo Thomas Mesereau tur e evidencia cu ta comproba cu Michael Jackson tabata abusa di muchanan sexualmente y cu su corporacionnan tabata altanto di esaki.”
John ta bisa cu Michael Jackson su companianan tin e evidencia aki pa decadanan caba y e ta kere cu e tin derecho na e mesun informacion. E ta agrega cu “mi ta compronde dicon e ekipo di defensa di Michael Jackson no kier pa nos tine.”
Thomas Mesereau y Jennifer Keller, e abogadonan representando Michael Jackson su corporacionnan, a contradeci John su acusacionnan bisando cu esaki ta falso. Nan ta bisa cu Wade y James su ekipo tin e mesun informacion cu nan tin, insistiendo cu no tin evidencia creibel cu Michael Jackson a abusa di nan tempo nan tabata mucha. Tambe nan ta bisa cu nan luchanan legal durante e añanan tocante esaki nunca a duna resultado.
Nan a conta TMZ cu “esaki a keda confirma pa Mr. Jackson su huicio criminal extenso den aña 2005, unda e acusacionnan den su contra a keda retira 14 biaha y el a keda completamente exonera pa un hurado sumamente conservativo. Esaki ta un intento desespera di Robson, Safechuck y nan abogadonan pa envenena e hurado y promove nan acusacionnan sin base contra Michael Jackson. E caso aki mester keda trata den un corte, no den media.”
E argumentonan aki ta bini despues cu Michael Jackson su compania a purba blokia Wade y James su ekipo di obtene su documento criminal, bisando cu e acusadornan tabata kier e imagennan di e difunto leyenda su parti intimo.
Anteriormente a reporta cu Wade y James ambos a acusa cu Michael Jackson a abusa di nan ora cu nan tabata chikito y finalmente lo haya nan dia den corte. Como parti di nan demanda revivi, e dos hombernan su ekipo legal a purba pidi e documentonan di polis di Michael Jackson, cual por inclui potret di Michael Jackson su curpa sunu cual a ser tuma durante e investigacion.
Michaerl Jackson su ekipo ta kere cu e difunto su famia tin derecho di mantene su privacidad, hasta añanan despues di su fayecimento, cual ta haci cu nan ta kere y lucha pa e peticion keda nenga.
