Dialuna mainta den Parlamento a tuma luga un tratamento breve den cual a trata e ley pa por cera un acuerdo di uzo cu Universidad di Aruba pa e edificio conoci como Maria Convent.
Segun un comunicado di gobierno, por a logra e meta aki caminda cu un edificio di Gobierno cu ta para pa mas cu 10 aña por wordo renoba y poni na bon uzo! Universidad di Aruba awo lo por sigui amplia y brinda opcion di estudio, ubicando e facultad nobo SISSTEM, unabes cu e trabounan di renobacion tuma luga. A traves di acuerdonan cu a yega na dje cu fondonan Europeo, pa renoba esaki y restaura esaki den su estado original unda cu ta posibel.
Ta gradici Parlamento di Aruba e aprobacion unanime y ta felicita Minister Presidente, Evelyn Wever -Croes kende tabata hopi envolvi den e proceso pa yega na e punto aki y tambe Minister di Enseñansa Rudy Lampe y Universidad di Aruba cu e facultad nobo. Brindando Aruba posibilidad nobo pa enseñansa na nivel universitario, segun e comunicado ta finalisa.
