Riba e acuerdo logra entre gobierno, Aruba Port Authority (APA) y Astec ta uno specificamente pa baha e prijs di e fleta di e comerciantenan cu ta importa fruta y berduranan.
Minister di Turismo, Salubridad Publico y Deporte, Dangui Oduber a a bisa cu e siman aki, si tur cos ta wordo concretisa manera debe ser, e lo bin cu informacion mas specifico kico e rebaho di e tarifa, pero mas tanto kico lo nifica pa cada container, ya sea di fruta of berdura. Na e momento cu el a duna contesta na e pregunta di Bon Dia Aruba, el a laga sa cu ainda no tabatin mucho detaye.
Den e caso aki el a bisa cu mester cooperacion di e importadonan grandi, pero tambe di e supermercadonan. Ya cu na final di dia nan a yega na un acuerdo tripartiet entre gobierno, APA y Astec pa reduci e prijs di container.
Apenas -segun Oduber- esaki ta un comienso, ya cu e negociacion mester sigui pa wak si nan lo por yega na mas acuerdo pa baha e presion riba e poder di compras den comunidad.
“No tin placa den circulacion y nos ta conta cu tur hende ta solidario cu nos comunidad,” segun e mandatario. Nan mester ta acuerdonan cu ta na beneficio di nos comunidad.
Den e transcurso di e siman aki gobierno lo bin cu mas informacion riba e detayenan specifico di e acuerdo cu gobierno, APA y Astec cu a yega na dje.
