Acuerdo entre Universidadnan di Aruba y Maastricht

Awe un acuerdo entre Universidad di Aruba (UA) y Maastricht University a keda firma.

E ta trata di un acuerdo di cooperacion academico entre ambos universidad riba un programa nobo di “double degree” of dobel titulacion den Derecho Fiscal Internacional y Europeo. E ta un programa di specialisacion ofreci pa Universidad di Aruba conhuntamente cu Maastricht University.

E studiantenan cu ta completa cu exito e programa aki lo ricibi un titulo di Master di ambos institucion. E acto aki a conta cu presencia di minister di Enseñansa Michelle Hooyboer-Winklaar, tambe di academiconan di ambos institucion universitario y studiantenan.