ORANJESTAD – Ayera durante un conferencia di prensa, e ministerio di Transporte, Comunicacion y Sector Primario representa pa sr. Chris Romero, a duna di conoce cu a haci un biahe pa Saudi Arabia, pa motibo un invitacion cu e gobierno ey a haci pa Romero.
El a splica cu prome di su yegada na Saudi Arabia, a drenta na Hulanda hunto cu Directie Luchtvaart Aruba pa firma un acuerdo di Conseho di Investigacion di Siguridad di Reino. E acuerdo aki ta stipula procesonan y proceduranan pa un comision di siguridad y asina duna asistencia na Aruba pa cu otro islanan di e reino den caso di un accidente aereo di gran embergadura.
Den e ley, Romero a bisa cu ta existi un profesion cu OVV (Onderzoeksraad Voor de Veiligheid) pa asina yuda Aruba, pero esaki nunca a wordo finalisa. E acuerdo tabata trata di asuntonan cu a keda pendiente y cu a wordo finalisa, y asina Aruba por sigura e cumplimento cu mester tin pa mantene e rating cu ta di suma importancia pa aviacion y tambe pa turismo.
Riba tereno di investigacion di accidente di aviacion, Corsou y St. Maarten tambe a firma e acuerdo cu ta multilateral den reino Hulandes.
Di mesun manera, minister a splica cu Aruba tin su mesun expertonan riba e tereno di accidente cu por conta cu Hulanda, y tambe a duna un cooperacion di e region mes tambe, pa asisti unda cu experticio y material y conhunto aki forma un sistema robusto y confiabel di investigacion di accidentenan di aviacion.
Di otro banda, e biahe cu minister Romero a haci, el a bisa cu minister di Transporte di Saudi Arabia a extende su invitacion pa Aruba asisti na un cumbre pa atende e conferencia Global Aviation Summit 2019 Saudi Arabia. Romero a comenta cu e meta principal di e conferencia aki tin suma importancia pa fortifica dialogo y cooperacion entre gobiernonan, sectornan priva y otro organisacion den area; pero tambe organisacionnan riba nivel di ministernan y directornan di aviacion civil, pa asina intercambia puntonan di bista, practica comproba y envolvimento activo de defini regulacion, politica y futuro relaciona cu aviacion civil.
E topiconan trata specificamente tabata siguridad, y mehoracion di siguridad operacional, pero tambe temanan actual como terorismo digital y drone. Aparte di esey, Romero a confirma cu tambe ta crea oportunidad den plan di gobernacion pa asina trece vuelonan di e pais, asina diversifica e turismo pero manteniendo e calidad y trece turistanan di e region ey.
