Pa stranheronan cu ta na Corsou cu un permit di residencia tin pa ley un maneho bou di responsabilidad di minister di Husticia. En cambio pa stranheronan cu a drenta Corsou legal y despues keda aki ilegal y tambe esunnan cu a drenta na un of otro forma ilegal, di cual algun ta indocumenta, en busca di un miho perspectiva economico mester desaroya maneho pa esunnan cu kier y por traha subi mercado laboral legalmente asina cu nan mes por cubri pa nan gastonan di vivienda, cuido medico, paga belasting, etc. E maneho mester ta di tal manera cu e no ta haci binimento Corsou ilegal atractivo, ni mara gobierno su man pa manda cierto stranheronan bek nan pais a base di por ehempel nan mal comportacion of intencionnan criminal. 

  1. Contacto continuo cu poblacion: Percura pa poblacion por keda den contacto cu gobierno y asina cumpli cu e ‘slogan’ diambos partido:

MFK: di pueblo, pa pueblo y hunto cu pueblo

PNP: cu curason pa pueblo

  • Organisa den barionan encuentronan unda gobierno ta duna charlanan tocante gobernacion y unda habitantenan ta haña oportunidad di topa mandatarionan y nan empleadonan pa por haci pregunta.
  • E encuentronan aki mester sirbi tambe pa haci e yiu di Corsou mas consciente y orguyoso di su isla. Den esaki por haci uzo di e trayecto di “Nacion Building” cu algun aña pasa a keda encamina cu sosten y financiamento di UNDP.
  1. Coordinacion di maneho na asuntonan general hunto cu B.P.D.: Reconoce y mantene e balor pa continua e trahamento hunto y e papel clave di e departamento‘Beleidscoordinatie’ den ministerio pa Asuntunan General, conhuntamente y den estrecho colaboracion cu BPD (ku ta maneha e ‘master plan’ pa Corsou).
  • Evaluacion di e lista di tema aki y adapt’é unda ta necesario.
  • Via di e departamento di ‘Beleidscoördinatie’ percura pa tin sincronisacion estrecho y transparente cu ministerionan y departamentonan di gobierno. Particularmente e ministerionan i departamentonan bou di PNP cu ta depende di input y output di AZ.
  1. Directie wetgeving en juridische zaken
  • Evaluacion di e ‘Directie’ aki ta pa averigua si e ta suficientemente ekipa pa su tarea.
  • Si mester haci adaptacion traha un plan pa esaki
  1. Negatieve lijst di leinan: Revisa e lista negativo di leinan (negatieve lijst) cu no a pasa over pa pais Corsou. Caminda ta necesario mester corigi esaki y rebiba e leynan bek of traha leinan nobo.
  • Inventarisa cua e leynan aki ta pa despues determina cuanto ‘wetgevingsjuristen’ tin mester pa atende cu e tema aki.
  • Optimalisa e banco di data di leynan di Corsou y nan historia y haci esaki accesibel pa un y tur.
  • Presupuesta e accion cu mester keda tuma.
  1. Refineria di kòrsou
  • Lo sigui traha pa habri refineria mas pronto posibel.
  • Den cuadro di esaki lo continua den un forma acelera cu e negociacionnan cu CORC.
  • En dado caso cu lo no continua cu CORC gobierno lo bay ‘head hunt’ un compania pa opera e refineria i e ‘Oil Terminal’ na Bullenbaai.
  1. Buskabaai nv
  • Lo haci un inventarisacion di e beneficionan cu Corsou tabatin cu e compania cu ta opera Buskabaai.
  • For di e evaluacion aki lo wak si ta sigui cu e compania actual of cu lo bay busca otro compania unda Corsou lo tin miho beneficio.
  1. GAS (na Emmastad)
  • E suministro di gas pa mercado local lo cay bou di Asuntunan General.
  • E tema di energia (Curoil NV y Aqualectra NV) tin un interes strategico pa Corsou i lo keda coordina dor di MEO cu Asuntonan General y otro ministerionan. Esaki ta conta tambe pa importacion di gas pa distribui cu islanan den Caribe y exploracion di petrolero y gas den nos subsuela.