Un miyon di metro cubico di gas pa dia e compania YPF por bay entrega na Chile na 2018. E acuerdo na cual e paisnan a yega ta di beneficio mutuo. Gobierno Argentino a autorisa e empresa petrolero YPF pa exporta e gas natural. E producto lo ser ricibi pa e empresa Canades Methanex. E convenio ta vigente te dia 30 di september 2018.
E convenio ta pa un cantidad maximo total di 115 miyon metro cubico, dentro di un aña. E empresa petrolero YPF lo mester importa un volumen igual na metro cubico di gas natural cu ta exporta pa Chile. Asina e autorisacion di gobieno ta bisa. E cantidad entrega pa dia por yega na un miyon metro cubico.
E convenio ta encera cu gobierno Argentino ta permiti e exportacion di hidrocarburo o derivado no rekeri pa satisface necesidadnan interno. Di otro banda, YPF lo bay importa di Chile metanol cu nan ta cumpra di e compania Methanex, loke ta beneficioso pa nan otro actividadnan industrial.
YPF lo tin un responsabilidad pa e costonan di e importacion di gas cu ta recompensa e gas exporta pa Chile.
