![Russia Ukraine War Presidential Adviser](https://www.bondia.com/wp-content/uploads/2024/07/Acuerdo-cu-Rusia-ta-un-trato-cu-diablo-segun-consehero-pa-presidente-Ucraniano-696x474.jpg)
(AP)—Pa firma un acuerdo cu Rusia pa stop e guera cu Ucrania lo nifica firma un trato cu diablo, segun un top consehero di presidente Ucraniano Volodymyr Zelenskyy a bisa, mientras e pais ta enfrenta mas presion pa busca pa un fin di e bringamento andando pa mas cu dos aña caba.
Un acuerdo lo solamente cumpra tempo pa presidente Ruso Vladimir Putin pa fortalece su ehercito y introduci un otro capitulo, posiblemente mas violento, den e guera, segun Mykhailo Podolyak a conta AP den un entrevista diahuebs.
“Si bo kier firma un trato cu diablo, ken lo lastra bo bay fierno, wel, dal bay. Esaki ta kico Rusia ta,” Podolyak a bisa ora a puntr’e tocante e prospectonan pa un trato di paz pa Kyiv, di ken su forsanan ta pega den un guera violento cu e tropanan di Moscu den e parti oriental di Ucrania.
“Si bo firma cualkier cos awe cu Rusia, cual no lo perde e guera y no lo ser responsable pa crimennan en masa, esey lo nifica cu bo a firma bo mes pa un ticket pa sigui e guera riba un scala diferente, cu otro protagonista, cu un cantidad diferente di hende asesina y tortura,” el a bisa.
Esaki ta un perspectiva dentro di e campo di Zelenskyy y entre Ucranianonan afo. Pero e ta keda ser mencion tambe contra e coriente di presion for di West, mientras Kyiv ta sigui enfrenta condicionnan dificil contra e ehercito mas grandi y mas ekipa di Moscu, como tambe inciertud tocante e nivel di apoyo politico den futuro for di e aliado mas cercano di Ucrania, esta Merca.
Ta parce cu cansancio di guera tambe ta destruyendo e moral di Ucranianonan, ken a pasa den dificultad cu bombardeo constante, perdida di coriente y di ser kerinan. Un encuesta pa e Kyiv International Institute for Sociology a descubri cu e cantidad di Ucranianonan oponiendo concesion teritorial pa Rusia pa paz a sigui cay. E cifra tabata para riba 55 porciento e luna aki, compara cu 74 porciento december aña pasa.
Hasta Zelenskyy a sugeri un disposicion pa negocia cu Rusia pa prome biaha desde e invasion na 2022, sugeriendo cu Moscu mester manda un delegacion pa e proximo cumbre global pa paz, cual mester tuma luga na november.
Pero Podolyak a insisti cu un acuerdo awo lo solamente retrasa mas violencia. “Si, e por para e conflicto pa un cierto tempo. Pero esaki kiermen cu e federacion Ruso lo traha riba su erornan y mehora su ehercito,” el a bisa. “Un pais agresor no a bin riba e teritorio di Ucrania pa firma un acuerdo di paz. Esey ta ridiculo!”
Un paz duradero cu ta traha pa Ucrania lo sigura un erosion di poder militar Ruso constitui di e “tres herment” cu Zelenskyy sa menciona: un aumento den apoyo militar, sancion economico efectivo y presion diplomatico pa isola Rusia.
Mientras el a papia, minister di Asunto den Exterior Dmytro Kuleba tabata na China, un di e aliadonan mas cercano di Rusia, riba un mision pa crea un relacion mas cercano. Podolyak a bisa cu e meta tabata pa provee splicacionnan pa e posicion di Ucrania y pakico China mester hunga “un rol mas activo pa trece fin na e guera riba e terminonan di ley internacional.”