(AP) – Lee Sun-Kyun, e actor Sur Koreano miho conoci den oriente pa su rol den e pelicula “Parasite,” a ser haya morto den un auto na Seoul riba diaranson, segun autoridadnan a reporta despues di simannan di investigacion intenso tocante su supuesto uso di droga.
Polis y oficialnan di emergencia inicialmente a haya Lee den loke nan a kere ta un estado inconsciente den e auto para riba un caya. Oficialnan di emergencia despues a confirma cu e tabata morto segun Seongbuk su stacion di polis. Nan tabatin tempo ta busca Lee di 48 aña despues cu a reporta cu e ta perdi.
Nan a nenga provee mas detaye, incluyendo si nan a determina cu Lee a kita su propio bida. Sinembargo media Sur Koreano manera Yonhap a bisa cu famia di Lee anteriormente a reporta na polis cu el a sali for di e cas despues di a laga atras un mensahe similar na un nota di suicidio. Lee a hunga un rol importante den Parasite, cual a gana un Oscar den 4 categoria na aña 2020. E pelicula tabata e prome pelicula cu no ta den e idioma Ingles cu a gana Best Picture den e historia di 92 aña di e Academy Awards y tabata e prome pelicula Sur Koreano cu a gana un Oscar. Den e pelicula, Lee a hunga e rol di e cabes di un famia rico.
Lee tabata bao investigacion a causa di acusacionnan cu el a usa droganan ilegal na e cas di un host di bar. Lee a insisti cu el a cay den un trampa pa consumi e droga y cu e no tabata sa kico e droga tabata segun Yonhap. Sinembargo e investigacion a ricibi cobertura extenso riba media y a causa rumornan online cu no tabata confirma tocante no solamente su uso di droga sino tambe tocante su bida priva. Lee a entrega un demanda contra 2 persona incluyendo e host, ken el a acusa di a blackmail su persona.
Sur Korea tin leynan sumamente estricto contra uso di droga y a mira un aumento grandi den ofensanan den e añanan recien. Siman pasa, Agencia di polis a informa cu nan a detene mas o menos 17,150 persona a causa di fabricacion, trafico, benta y uso ilegal di droga e aña aki, marcando un cantidad record den un solo aña.
Sur Korea tin hopi tempo cu e averahe di suicidio mas halto den paisnan desaroya. Tambe a experiencia un cadena di cuido entre celebridadnan cu cantantenan di K-pop, politiconan prominente y ehecutivonan di negoshi. Expertonan a bisa cu comentarionan online malicioso y abusivo ademas di cyberbullying severo tabata e causa pa varios di e suicidionan entre e celebridadnan.
Prome persona na links den e potret ta Lee Sun-Kyun.
