(AP)—Den un corte na London diamars, Kevin Spacey a wanta su lagrimanan aden mientras cu e tabata conta huradonan con e acusacionnan di mal conducta sexual contra e seis aña pasa a destrui su carera.
“Mi mundo a explota,” Spacey a bisa na su huicio si asalto sexual. E testimonio emocional a bin na fin di su tres ora para como testigo. El a nenga di asalta tres hende homber sexualmente y a bisa cu e alegacion di e di cuatro victima cu a bisa cu el a gara su parti priva tabata un “eror estupido.”
E alegacionnan cu a manda Spacey su carera den tumulto a bini dilanti na 2017 durante e movemento di #metoo a haya momemtun na Merca y un actor colega a acus’e di a comportacion inadecua sexual tres decada prome. Noticia di e acusacion aki a causa cu otro hende a bin dilanti, incluyendo cuatro hende homber na Inglatera cu a bisa cu e actor a asalta nan sexualmente entre 2001 y 2013.
E por enfrenta prizon si e haya conviccion pa e carganan aki, incluyendo pa asalto sexual y pa tin actividad sexual sin cu e persona su permiso. Spacey, 63, a suplica como no culpabel pa tur carga.
Abogado di defensa, Patrick Gibbs, a pasa door di e alegacionnan cronologicamente cu Spacey, cuminsando for di su añanan 2000 ora el a cuminsa traha na Old Vic Theatre na London y despues a bira su director artistico.
Spacey a bisa cu el a lucha exitosamente su acusadonan den cortenan Mericano pero awo ta den debe pa via di e gastonan legal. Fiscal na Massachusetts a laga e carganan contra dje cay ora e supuesto victima a nenga di testifica. Un hurado na New York a absolve Spacey di un caso di 40 miyon dollar lanta contra dje pa actor Anthony Rapp riba e alegacionnan di 1986.
Spacey a bisa cu el a lucha e casonan e mesun manera cu el a haci awo na London, pero historia bieu, potret y cualkier otro evidencia por refuta e acusacionnan. Spacey ta enfrenta un examinacion diabierna y su abogado lo presenta varios testigo den su nomber.
