(AP) – Activistanan di derechonan di animal a reuni diadomingo na Madrid pa protesta contra plannan di construccion di un criadero di pulpo na Spaña, bisando cu no tin leynan na luga den e pais y Union Europeo cu ta garantisa e bienestar di e bestianan aki den captividad.
E criadero proponi, cual tin e meta di cria pulpo den captividad den escala grandi, ta den plan pa ser construi proximo aña na Canary Islands, un archipelago Spaño den e oceano Atlantico.
Algun decenas di persona a presenta pa expresa nan preocupacionnan tocante un proyecto cu tin plan di tin 3 miyon pulpo den un pool, apesar cu e criaturanan aki ta predadornan solitario den nan habitat natural. “E ta similar na encarcela tigernan hunto. Nan lo cuminsa mata otro y lo purba scapa pa causa di nan inteligencia halto y habilidad di adapta,” Jaime Posada a splica, ken ta vocero di e protesta y varios organisacion di bienestar di animal.
Pulponan cu crece den captividad ta comporta di manera diferente compara cu esunnan den su habitat natural, Nova Pescanova ken ta di un compania di seafood cu ta promove e criadero aki a splica. Desde 2018, e compania a cuminsa un proyecto piloto cu un facilidad di investigacion na Spaña unda nan a exitosamente cria 5 generacion di pulpo den captividad.
“E no ta posibel pa cria cualier especie den e Union Europeo sin respeta e condcionnan di bienestar pa e animal. Esaki ta e standard, y nos grupo no ta haci nada otro cu no ta cumpli cu e guianan y e legislacionnan.”
Pa motibo cu e demanda den consumo di pulpo a aumenta den e ultimo temponan, e criadero di pulpo ta ser mira como e prome paso den direccion di sigura un produccion di cuminda sostenibel.
