Directora di ATA, Ronella Tjin Asjoe-Croes a referi na e articulo cu Bon Dia Aruba a publica ayera riba pagina A2. Tjin Asjoe-Croes a aclaria cu den su declaracion duna na e matutino aki, ora e ta referi na ‘espacio limita’, e kier men espacio fisico limita.
Ora el a bisa textualmente, entre otro, cu: “Lamentablemente nos espacio ta limita y ta pone cu bo no por expande di e manera cu bo a expande den añanan anterior… Mare nos tin mas espacio, pasobra nos por bende mas Aruba. Pasobra bo tin espacio limita, e filosofia ta e ora cu locual bo tin, bo tin cu zorg pa ta e producto. Y cu e producto ey por atrae e hende cu ta laga mas atras pa cada persona.”
Pero definitivamente directora di ATA a aclaria cu no mester wordo interpreta ‘espacio limita’ como espacio financiero, sino espacio fisico di Aruba.
