Un derame di azeta a keda reporta ayera den area di Chaguaramas, Trinidad. EMA (Environmental Management Authority encarga cu asuntonan di medio ambiente, a bisa cu nan a keda avisa diadomingo mainta di reportahenan di un substancia di azeta den e awanan entre isla Carrera y Chaguaramas Peninsula. Nan ta informa cu manera cu nan a haya e informacion, EMA den acuerdo cu su rol di coordinacion, de inmediato a notifica oficina di maneho di desaster (ODPM), instituto di Marina (IMA), minister di Energia y industria di energia (MEEI), como tambe servicionan maritimo (MSD).
EMA ta laga sa cu nan tin un team investigando na e sitio cu asistencia di Air Guard di defensa di Trinidad & Tobago, pa vigilancia aereo y un vehiculo cu IMA a percura pe. FFO (Fisherman & Friends of the Sea) ta un organisacion di piscado na Trinidad.
Nan a haci un yamada na prome minister pa responde con lo compensa piscadonan pa e desaster nacional aki. E derame a cubri henter e area marino di e parke nacional di Chaguaramas y piscanan no ta safe pa come. FFOS tambe ta haci un yamada na parlamento pa bin cu un legislacion cu lo bin cu un investigacion di emergencia pa inspecciona cada boto, tankero, pipline, y cualkier sospechoso den e catastrofe nacional aki.
