Band’i 7.30 di mainta un grupo grandi di trahadonan den area di Enseñansa a presenta na sede di Sindicato di Maestronan SIMAR pa asina duna apoyo na accion di protesta cu a bin tumando luga for di algun dianan pasa y ayera varios departamentonan di gobierno a uni na esaki tambe.
Josephine Albertus a informa na Bon Dia Aruba cu aproximadamente mas di 600 persona a reuni ayera na sede aki pa asina nan sigui mustra nan mal contento pa loke ta trata recorte di salario di 12.6% unda cu nan ta solicita pa kita e medida aki mesora.
E accion di protestanan a tuma luga durante henter dia na unda diferente departamentonan y nan trahadonan a dicidi di pone nan trabou plat pa un tempo maximo di dos ora, algun di nan a haci’e cu un periodo mas cortico cu e fin di hisa nan voz pa pidi claridad riba e cifranan di cuanto nan a entrega den 21 luna.
