Di diabierna pa diasabra 3 accident a hala atencion. Prome un cabey a los, core riba caminda y a dal contra un auto na Seroe Janchi.
Esun mas grave tabata na Hooiberg altura di e bar Well Well unda un auto a dal e homber Rosendo Enrique Angela (56). E habitante di Primavera tabata dal drinks den e bar ora el a dicidi di bay cas, crusa caminda unda e auto a dal’e. El a fayece. E ta di 9 morto den trafico.
Un ora mas o menos despues y un poco pabou, un otro accident grave a tuma luga. Esaki a tuma luga na un crusada na Morgenster. Un chauffeur hoben no tabata duna suficiente atencion ora di bira na e crusada y topa un otro auto riba caminda robes. E impacto tabata asina fuerte cu awor e hoben ta den estado critico na hospital.
Mas potret por haya aki.
Esaki a tuma luga den e mesun siman cu Ennia tabatin a organisa un evento riba siguridad den trafico. Unda a informa cu Aruba relativamente tin hopi accident: e ta riba position 7 mundialmente.
.JPG "Chevrolet Trax ta ranca palo di lus na Ponton")
