Djamars 29 di desèmber 2015 alrededor di 20.25 ‘or, Central di Polis a dirigi un
unidat polisial na Kaminda Hensley Bam Bam Meulens pa un aksidente frontal entre dos outo di famia.
For di investigashon preliminar na e sitio a sali na kla ku shofùr di un di vehíkulonan pa un motibu te ainda deskonosí a bai resultá riba man kontrali i a dal frontal kontraun vehíkulo ku tabata bini for di direkshon kontrali.Dor di e impakto aki e okupante di un di e vehíkulonan a bin fayesé na e sitio mes a konsekuensia di slanan ku e la risibí.Dòkter ku a presentá na e sitio a konstatá morto di e víktima.Shofùr di ámbos vehíkulo a sufri leshon i mester a keda transportá ku ambulans pa poliklínika. Personal di Departamento di Tráfiko ta kontinuá ku e investigashon.
Nota Strealuz News:
Kuerpo Polisial no a manda identidat di e viktima di trafiko ahinda. Pues nos no ta dispone di e nomber ofisial ahinda. Detaye adishonal ta ku aparentemente ta 2 ruman a dal frontal i unu a fayese mientras e otro a keda detene pa kore vehikulo bou di influensia di alkohol i tambe kore iresponsabel ku morto komo konsekuensia. Nos ta wardando konfirmashon al respekto.
.JPG "Chevrolet Trax ta ranca palo di lus na Ponton")
