(NLTimes) – Hulanda mester hunga un rol pionero den combati test riba bestia den ciencia biomedico.
Mas di 20 academia a skirbi tocante esaki den un carta habri na Minister di Agricultura Henk Staghouwer publica den De Volkskrant.
E parlamento Europeo a adopta un resolucion den november di aña 2021 haciendo un yamado na e Comision Europeo pa crea un plan unda cu lo caba cu tur e testnan riba bestia den EU. E academiconan Hulandes ta mira esaki como un oportunidad excelente pa Hulanda hunga un rol pionero den esaki.
“Nos, como experto den e sector, ta haci un yamado na Hulanda pa crea un plan di accion pa por combati e testmento riba bestia cu por sirbi como un ehempel pa e Comision Europeo. E plan aki mester tin meta di reduccion, tempo stipula y pasonan cu por tuma, manera caba cu experimentonan cu ya caba a comproba di no tin beneficio pa ser humano,” nan a skirbi den e carta.
E carta habri aki a ser publica como un aviso den e corant, conhuntamente cu e logo di e organisacion enfoca riba derechonan di bestia PETA.
