AUSTRALIA – Cardinal Pell, e homber mas bieu di iglesia catolico, ta wordo acusa di abuso sexual di menor contra dos mucha homber di coro. Awo, mnas caso ta saliendo na luz publico compara cu tempo di antes, ora abuso tabata wordo cubri.
Pell tabata e consehero financiero y minister di economia den Vaticano. El a baha cabes, pero mantene su postura ora cu 12 miembro hurado a delibera unanimo veredicto na corte. Corte tabata tin prohibicion di duna algun detaye of publicacion di e huicio te cu diamars. Pell por ricibi un castigo maximo di 50 aña di prizon despues di tende e sentencia, cu lo cuminsa riba diaranson.
E ta wordo acusa di asalta indecentemente dos mucha, un di 9-10 y un di 11-12, tempo e tabata un pastoor hoben den aña 1970, den un pool publico na Ballarat. E victima cu a testigua na e huicio di Pell a bisa despues cu el a sufri di ‘berguensa, soledad, depresion y mester a lucha’. Den un declaracion, e homber a bisa cu el a tuma aña pa compronde e impacto di locual a pasa cune.
Abogado Lisa Flyn a bisa cu e tata di e dos victima, kende a muri di un sobredosis di heroina na 2014 na edad di 31 aña, ta planeando di demanda iglesia di Pell individualmente ora e apelacion wordo resolve.
Pell ainda ta mantene su inocencia, bisando cu acusacion contra dje ta ‘maldad y conducta vies’. Den un comunicado di SNAP, kende ta tuma na cuenta di abuso di mucha, ta spera cu e conviccion sirbi pa cura e victima di Australia, y tambe pa e sobreviviente di henter mundo. Pa haci e mucha mas sigur y pa mayor ta miho informa tocante prevencion di abuso sexual.
E hurado ta condena Pell di abusa 2 mucha mas na aña 1996. Na e momento ey, Pell tabata tin 55 aña y a ser nombra e catolico mas veterano di ciudad mas grandi di Australia. E dos muchanan tabata tin 13 aña. Ningun di e mucha por ser identifica pa motibo cu e ta ilegal na ciudad di Victoria pa nombra victima di agresion sexual.
