(TMZ) – E cantidad di persona herida na Astroworld aña pasa tabata astronomicamente mas halto cu loke a calcula prome, por lo menos si ta kere den e palabra di e abogadonan cu ta representando e victimanan.
Sean Roberts, Jason Atkins y Richard Mithoff, kendenan ta representando un gran cantidad di persona cu ta den e demanda relaciona cu e tragedia, a entrega un documento nobo den cual ta ilustra e cantidad di fayecimento y herida causa den e tragedia di Astroworld.
Segun e documentonan obteni pa TMZ, e abogadonan ta bisa cu nan descubrimento te cu awo ta demostra cu ademas di e 10 persona cu a fayece, nan a yega na 732 acusacion di daño adicional di personanan cu ta bisa cu nan a keda seriamente herida, clasificando e grupo como personanan cu tabata rekeri “tratamento medico extenso.”
Un otro grupo di 1,649 persona a bisa cu nan a sufri heridanan cu ta rekeri “tratamento medico menos extenso” y un otro grupo di 2,540 persona cu a bisa cu nan tambe a ser herida mas te ainda ta bao reviso.
En total, e abogadonan ta declara cu 4,900 persona a keda herida of a fayece durante e incidente.
Un fuente cerca di Travis Scott a conta TMZ cu “e ta hopi cla cu e caso ta birando mirando cu e autoridadnan y conversacion publico ta enfocando riba e operadornan y contratistanan di siguridad na luga di e personanan cu a presenta e dia aki.”
E problema ta sinta cu e documento no ta specifica cua exactamente ta e criterio cu ta distingui cada categoria di herida, e ta solamente ofrece estadistica. Ta asumi cu e specificacion lo ser evalua na un dia mas adelante.
Den cualkier caso, e hecho cu nan ta declarando cu miles di persona a keda herida como resultado di loke a tuma luga na Astroworld ta impactante, specialmente mirando cu e cantidad inicial tabata mas cerca na maximo 300 pa 400.
E caso te ainda ta den proceso di pasa door di e sistema. Manera a reporta anteriormente, Travis Scott y otronan a nenga cualkier responsabilidad pa e tragedia den cierto capacidad te cu awo.
