Update: Violencia di polis causa morto Mitch
Abogado Gerald Roethoef a declara awe den e programa Hulandes ‘Pauw’ cu nan a maltrata Mitch Henriquez severamente durante su detencion na juni aña pasa na un festival na Den Haag.
Roethof ta defende e ex pareha di Henriquez y nan yiu. E abogado a haya aceso na e rapport di e Rijksrecherche cu a keda cla e siman aki. Nan a entrega esaki na Ministerio Publico cu a pone esaki den man di hues comisario pa wak si mester mas prueba of por sigui cu e proceso.
Maltrato
E aboga a bisa cu den e rapport por lesa cu Mitch tabatin ‘strottenhoofd’ y 2 ribchi kibra. “Nan a maltrat’e severamente. Ora bo ta les’e (e rapport), bo ta spanta. E tabatin bloeduitstorting tur caminda. Banda di su wowo, na su nanishi. Hasta na su parti intimo.” Den e rapport tambe ta para cu cierto polis no a tuma e Mitch serio ora el a haci un joke, bisando cu e tambe tin un arma mientras e tabata graba su parti intimo. Pasobra nan a pensa cu e tabata burachi. Pero 5 agente a sinti su mes asina menasa cu nan a bula riba Mitch, push’e abou y usa e nekklem pa want’e abou. Tambe nan a dal’e riba su nanishi cu tambe por a causa su morto, segun e patologo.
Por mira e transmision di Pauw aki.
Riba potret e famia di Mitch Henriquez, entre otro mama (sinta den stul) y ruman.
