(NLTimes) – Clientenan di ABN Amro awo por retira placa di un ATM usando nan celular na luga di un carchi di banco, segun Cynthia Tulp, director di pago na e banco, a confirma pa NU.nl.
Segun e corant, ABN Amro ta e prome banco pa ofrece retiro di placa riba ATM sin carchi. “Hende ta usa nan celular pa tur cos. Tambe nan ta paga cune na tienda y online. Bo mester tabatin bo carchi cu bo solamente pa retira placa. Awo esey no ta necesario mas y bo celular ta suficiente”, Tulp a bisa na e corant.
E retiro sin carchi ta tuma luga cu un codigo QR y e app di ABN Amro. “E app tin opcion pa scan e”, Tulp a bisa. “Na e ATMnan, hende por scoge e opcion pa ‘haci retiro sin un carchi di debito’. E ora nan lo mira un codigo QR cu por scan.” E proceso di identificacion ta mescos cu ora bo paga cu bo celular na un tienda of online. “Cu un codigo of reconocemento di cara.” Esnan cu tin cuenta cu ABN Amro ta bay tin habilidad pa retira hasta 500 euro pa dia usando nan celular.
Segun Tulp, e fin di carchi di banco di plastic ta cerca. “Ta usa e carchi menos y menos y e uso solamente ta keda reduci. Tambe ta bay ta e caso cada bes mas cu hende enfaticamente no ta bay kier tin un carchi di plastic mas.”
Geldmaat, e ATM conhunto di e banconan mayor Hulandes, tambe tin plan pa ofrece e posibilidad pa retira placa cu bo celular den futuro cercano. Ta spera di lansa e tecnologia aki proximo aña. E opcion di ABN Amro ya ta disponibel riba e mashinnan Geldmaat.
