Aruba Birdlife Conservation (ABC) ta gana e caso di Wetland contra gobierno y The Mill unda cu hues a sentencia pa stop tur actividad nan di rosamento y construccion nan andando ariba e tereno di Wetland cu ta considera area protegi.
Ademas di esakinan, hues ta prohibi gobierno pa e tereno wordo otorga, ya cu e ta viola locual e ROP ta stipula. E ROP ta vigente te cu 2019. Remarcabel tambe tabata e echo cu The Mill su demanda a wordo rechasa ya cu a keda determina cu e compania aki den su identidad a wordo declara bancarota.
Hues ta ordena pa laga pone baricada nan di piedra p’asina blokia entrada pa tur sorto di trafico y pa construccion. Segun hues por yega solamente ariba e tereno si tin un permiso otorga pe, mirando cu e tereno di Wetland ta un area protegi pa Ruimtelijk Ontwikkelingsplan (ROP). Aki ta unda rosamento a tuma luga pa expansion pa mas camber di hotel pa The Mill.
E discusion entre ABC y Land Aruba ta cu ABC a pidi accion inmediato di Corte pa para tur actividad temporalmente na e area aki. Mirando cu eynan tin parhanan en special shoconan tin eynan nan neishi. Na cuminsamento di e caso aki tawata tin un di tres partido hunto cu Land Aruba y the Mill, cu ta Elmsford, caminda cu nan tawata bisa di ta pagando erfpacht mas cu 30 aña, pero esaki despues di averigua y verifica cu kadaster e compania Elsmford a bay failliet desde 1993.
E caso a cuminsa unda cu 6 di maart 2018 The Mill/Land Aruba a rosa un pida tereno pa cuminsa cu expansion. Aki ABC pa medio di nan represante Rep Law a kadaster pa averigua y verifica si en berdad e tereno ta erfpacht. Na kadaster na sali na cla cu berdad e tereno ta na nomber di The Mill/Elmsford pero te cu 22di maart, tambe Rep Law, a saca for cu pa con remarcabel straño e ta mustra ta cu e compania Elmsford a bay failliet na 1993. Pa sigui cu cera e caso Rep Law a ilustra cu desde 2009 segun rapport di ROP cu e tereno di Wetland situa entre The Mill y ex House of Cheng ta area considera zona berde/protegi. E ta un tereno den un area unda tin parhanan -special shoconan- tin nan neishi eynan, asina ABC ta trece dilanti.
Land Aruba di nan banda a laga mustra via DIP cu segun nan e rapport di ROP no a mustra kico tawata nan maneho cu ta bisa kico por y no por referiendo unda cu e rosamento a tuma luga. Ni tampoco unda ta bisa cu e tereno ta ful un area protegi siendo cu The Mill ta bisa di tawata paga erfpacht. Segun Land Aruba e ROP rapport su maneho no tawata concreto unda cu falta descripcion nan directo.
Hues tambe a expresa cu e ta haya e situacion straño y a puntra pa kico a rosa e tereno, si e no ta ser considera actividad di construccion. Unda cu awo na un forma prominente Land Aruba a laga mustra cu nan no ta altura di kende e tereno ta y kende a duna opdracht pa laga rosa tereno.
Pa cera e caso Land Aruba no lo haya un boet si nan atene nan mes na e sentencia duna mirando cu e tereno di Wetland poni den e rapport di ROP tin un maneho y ta un ley.
