(AP) – Cantante y rapper Aaron Carter accidentalmente a hoga den su baño pa causa di e pildonan cu el a bebe y e gas usa den productonan di limpiesa cu el a inhala segun e reportahe di e coronel publica riba diamars.
Carter, e ruman homber chikito di miembro di Backstree Boys Nick Carter a ser haya sumergi den awa y morto cu 34 aña di edad den baño di su cas na Lancaster, California dia 5 di november segun e autopsia cu e coronel a publica.
E pildo cu Carter a tuma, alprazolam cu hopi biaha ta bendi bao e nomber Xanax, a ser haya den su sistema di mesun manera cu e gas difluoroethane, cual segun e reportahe ta un gas cual su uso ta comun den productonan di limpiesa den forma di spray,” y “esaki por induci sentimentonan di euforia ora cu inhala esaki.”
Ambos substancia a haci cu Carter a bira incapacita den e baño y consecuentemente a causa cu el a hoga segun e reportahe.
E autopsia a keda ehecuta e dia despues di Carter su fayecimento, sinembargo a wanta e resultadonan pa por conduci testnan di toxicologia, cual hopi biaha por tuma lunanan largo.
