A tira un hende homber na bispo di Pasco dilanti su famia despues di un anochi di fiesta. Flamur Beqiri di Suecia a ser mata dilanti su cas na Battersea Church Road, segun Polis.
Bisiña a bisa cu a tende varios tiramento y un hende muhe tabata grita desespera pa yudansa. Un vocero di Polis a bisa cu a mira un persona perde su bida di un manera horibel, lagando su famia devasta.
Beqiri di 36 aña di edad, kende tabatin su casa y su yiu chikito, a ser declara morto pa servicio di emergencia. Su bisiña Vittoria Amati, 60 aña a bisa cu el a tende 10 tiro y tende e gritamento di e casa. Ora el a sali, el a ripara ta su bisiña.
“E tabata benta dilanti su porta di cas den un pool di sanger. E tabata bibo ainda. Nos tabatin hopi speransa cu e lo biba. No por imagina con desespera su esposa tabata zona.”
Un muhe jong, identificando su mes como un enfermera, a purba di yuda Beqiri aplicando presion na su heridanan, segun Amati.
Hefe Inspector di Detective Jamie Stevenson a bisa cu investigacion ta tumando luga, pero den prome fase y ta trahando pa establece e motibo di con Beqiri a perde su bida dilanti su famia. “Famia ta devasta y oficial specialisa ta dunando sosten. Nos sa cu e victima tabata bayendo cas cu su famia ora nan a tir’e mata casi dilanti su cas.”
Polis ta bisa cu no tin ningun sugerencia cu ta existi un riesgo continuo pa miembro di comunidad local na Battersea.
Esaki ta e homicidio number 135 na London na 2019, e cifra mas halto for di 2008.
