(NLTimes) – Un grupo di persona na Volendam a ataca manifestantenan di Kick Out Zwarte Piet (KOZP) cu, entre otro obheto, webo, oliebollen y klapchi. KOZP tabata protestando contra ‘racismo structural’ den e villa.
Polis a escolta varios decena di manifestante back na nan busnan. E manifestantenan a bandona e villa pa alrededor di 1pm cu escolta di polis.
Segun vocero di KOZP, Jerry Afriyie, a tira nan cu ‘tur y cualkier cos’ incluyendo fruta y oliebollen di e mercado cercano. Polis no a confirma e cantidad di persona cu a ataca e manifestantenan na Volendam.
Mientras agentenan di polis a tene e gruponan apart, nan tambe a wordo tira cu webo y oliebollen.
Segun Afriyie, algun di e bentana di e bus a sufri daño. Algun di e personanan atacando e manifestantenan tambe a tira klapchi.
“Aunke a logra hopi den ultimo dies aña di e campaña Zwarte Piet ta racismo, ainda tin lugarnan na Hulanda un apenas ta menciona of combati racismo”, KOZP a bisa prome cu e manifestacion.
Anteriormente, KOZP a cancela un manifestacion durante e Parada di Yegada di Sinterklaas. Segun Afriyie, alcalde di Volendam, Lieke Sievers a bisa cu e yegada no lo bay door, pues KOZP a stop e manifestacion. Despues, Afriyie a descubri cu ‘un forma’ di e parada si a tuma lugar.
