Tur dia Directie Volksgezondheid tambe conoci como DVG ta publica un resumen unda cu por mira varios detaye tocante e desaroyo di COVID-19 aki na Aruba y tocante e situacion na hospital na Colombia pa cu pashentnan di Aruba.
Den e resumen di awe por a mira cu 575 persona a recupera di coronavirus, y un total di 257 caso nobo a keda registra, di cual 73 caso no ta di residente. E cifranan aki ta representando un tasa di positividad bao di nos residentenan di 70 porciento.
E cantidad di casonan activo di COVID-19 pa awe ta di 1500 caso, mientras cu e cantidad di fayecidonan relaciona cu COVID-19 a keda constante cu 184 morto.
Datonan ta ilustrando e casonan nobo di COVID-19 cu un averahe semanal di 469 caso pa dia, y un averahe di tasa di positividad semanal di 63 porciento pa dia.
Actualmente na hospital di Aruba tin un total di 39 persona interna sea cu of debi na causanan relaciona cu COVID-19 , di cual tin 6 persona den unidad di cuido intensivo of ICU, y riba piso general tin 33 persona interna.
Na Colombia tin actualmente 3 persona interna den hospital, di cual 3 ta den unidad di ICU y ninguno (0) riba piso general.
