Ayera Departamento di Obra Publico (DOW) a informa a traves di su red social Facebook cu nan a haya un melding di un edificio ubica na Caya Grandi e cual ta den condicionnan basta peligroso y nan a pidi comunidad pa tene na cuenta cu esaki.
“Nos a ricibi un melding for di KPA, unda ta pidi asistencia pa pone baricada na un di e edificionan di Nikki Habibe. Ta asina cu e siergevel ta den mal estado y ta mustra cu lo por cay un dia pa otro. Mesora nos team a duna un man pa asina proteha e area y asina nos baha e siergevel akinan. Mientrastanto nos ta a pidi pa no yega cerca di e edificio pa motibo cu nos ta tumando e medidanan necesario.” Nan a informa.
Mientras tanto, otro usuarionan a sigura cu e area aki a bira un “ghost town” yen di edificionan bieu y cu ta mas miho “pa basha e edificio aki abou” mirando e peliger cu esaki por ocasiona y ademas nan tambe a informa cu e area aki no tin luz y den oranan di anochi ta basta scur.
