(CuracaoChronicle) – E memorandum di presupuesto nobo ta inclui un alocacion di 80 miyon euro cu meta di fortalece e sector economico den e partinan Caribense di e Reino, segun e Ministerio di Interior y Relacionnan di Reino.
E enfoke di e iniciativa aki ta riba mehora autosuficiencia riba e islanan, garantisando participacion igual pa Boneiro, Saba y Sint Eustatius, conhuntamente cu e otro partinan di e islanan Caribense. E 80 miyon euro lo ser dirigi na 3 proyectonan grandi: e construccion di un waf nobo na Saba, mehoracion di infrasturctura na Boneiro y mehora seguridad di cuminda pa tur 6 isla.
E fondonan lo keda distribui di e manera aki; 40 miyon euro pa crea un waf cu por wanta horcan y dura den futuro na Saba, 16 miyon euro pa mehora Boneiro su red di cayanan, y 24 miyon euro pa reduci e islanan su depencia riba importacion di cuminda. E Ministerio di Exterior a enfatisa cu e alocacion aki ta anticipa di fortalece seguridad di cuminda pa e islanan den e ananan binidero.
Ademas, e memorandum ta delinea otro prioridadnan, manera logra yega finanzas publico coherente, un gobierno fuerte, servicionan publico eficiente, desaroyo economico y un educacion mehora. 30 miyon euro mas lo keda aloca den 2025 pa sostene e metanan aki.
Adicionalmente, e gobierno Hulandes lo provee 70 miyon euro pa asisti Aruba, Corsou y Sint Maarten den fortalece seguridad publico y implementacion di ley.
