Ainda no por premira si scol lo permanece cera si of no despues di 11 di mei venidero. Esaki a pesar cu minister di Educacion, Ciencia y Desaroyo Sostenibel, Rudy Lampe a duna conoce dialuna un maneho pa loke ta trata examen di scol no presencia, sino den caso excepcional of estrictamente necesario.
E mandatario ta haya cu te aworaki e maneho pa evita e contagio di e virus ta exitoso pa loke ta e control interno di Covid-19. Lampe a bisa cu nan ta den deliberacion pa e periodo cu ta bay bin despues. “Con ta bay sigui despues di 11 di mei,” el a bisa na Bon Dia Aruba.
E mandatario a declara cu ainda no tin e decisionnan riba e topico aki. Pero si nan ta den planeamento riba e diferente posibel escenario cu lo por ta factibel. El a pidi comunidad pa keda pendiente den e proximo dianan, caminda nan lo por haci anuncionan importante riba kico lo bay bira despues di 11 di mei riba tereno di enseñansa.
