(IFLScience)— Despues di hopi aña cu a purba identifica kico exactamente ta Long COVID, un estudio nobo a reduci su lista largo di sintomanan sospechoso te na solamente un tiki mas cu dies. Prome tabatin mas di 200 sintoma cu ta considera relaciona cu e condicion misterioso cu ta keda, pero awor nan a defini claramente cu e 12 sintomanan mas comun y consistente.
Desde cu COVID-19 a bira un crisis di salud mundial, a informa tocante efectonan cronico y di duracion largo despues di tin e infeccion. Sintomanan manera nubiamento di cabes, cansancio, y perdida di holo, tabata varia for di relativamente no comun te serio y incapacitante. E unico criterio pa identificacion di Long COVID tabata e persistencia di sintomanan continuo, sintomanan cu ta bay y bin, of aparicion di sintoma nobo despues di 30 of mas dia despues di infeccion.
Cientificonan a cuestiona si ta un condicion so cu ta causa e problemanan aki, of si ta un rango di condicionnan despues di COVID-19 cu ta wordo agrupa hunto, manera hopi enfermedadnan neurologico.
Esaki ta wordo ehemplifica pa e hecho cu Long COVID tin un lista extensivo di sintomanan reporta—Organisacion Mundial di Salubridad (OMS) ta bisa cu mas di 200 diferente problema di salud a wordo asocia cu e condicion. Si un sistema di diagnostica mester wordo poni na uzo, investigadonan mester tin un comprendemento mas claro di kico exactamente ta Long COVID.
Pa haci esaki, un colaboracion di investigadonan for di Merca a tuma data di pashent for di un grupo di casi 10.000 persona, caminda 8.646 di nan tabatin COVID-19 antes y un grupo di control di 1,118 no tabatin. For di esey, nan a haci encuesta na cada persona y a traha un lista di e sintomanan mas reporta y a duna cada un di nan un cifra segun nan relacion cu COVID-19.
E resultadonan a resalta 12 di e sintomanan mas prolifico relaciona cu Long COVID, di cual algun ya caba ta conoci.
Na prome luga, cu e cifra mas halto posibel di ocho, ta e perdida di holo of smaak, un sintoma caracteristico di COVID-19 pa motibo di su capacidad no usual pa afecta celnan di nervio. Despues di esey, “post-exertional malaise” (sintimento di cansancio despues di esfuerso fisico of mental) ta segunda, y tos cronico ta tercera—nota cu tin un diferencia grandi di calificacion entre segundo y tercera, loke ta indica cu e dos sintomanan aki ta mas comun y probablemente mas relaciona cu COVID-19 compara cu e resto. Investigadonan a identifica lo siguiente sintoma:
Sintoma (cifra):
Holo/smaak (8)
post-exertional malaise (7)
Tos cronico (4)
Nubiamento di cabes (3)
Sed (3)
Batimento di curason (2)
Dolor di pecho (2)
Cansancio (1)
Deseo of capacidad sexual (1)
Mareo (1)
Problema gastrointestinal (1)
Movemento abnormal (1)
Perdida di cabey (0)
E estudio tin algun limitacion, manera tur estudio di e tipo aki tin. E data tabata basa riba rapportnan di e mes personanan, loke por causa inexactitud, y e grupo di pashent a wordo selecciona for di un estudio separa, cual por a wordo influencia e proceso di seleccion. Pero asina mes, e resultadonan ta parce di ta coincidi cu sintomanan comun anteriormente reporta pa investigadonan di Long COVID.
E estudio a wordo publica den JAMA.
