Recientemente DOW a coloca jerseynan pa vehiculo no parkeer mas na e plasa aki, esaki debi cu for di basta tempo caba tambe a pone baricadanan pero toch e hendenan ta pone nan un banda pa asina por para den e luga aki.
Manera potretnan mes ta ilustra, DOW a bin solicitando na comunidad pa no para nan auto den plasa Nikki Habibe debi na inversion cu a ser haci añanan pasa, nan ta bin haciendo e peticion aki colocando baricada pero toch e hende ta sigui parkeer eynan, tambe recientemente mester a coloca jerseynan y e verkeer paaltjes mirando cu ciudadanonan ta hala e baricada y awor a reporta cu a kita jerseynan y e verkeer paaltjes pa asina nan por staciona causando dañonan den e vloer.
“Nos a pidi y nos ta bolbe pidi pa no staciona vehiculonan riba Plaza Nikki Habibe.”
Diferente usuarionan di rednan social a reaccion na e post bisando cu ta bon pa Cuerpo di Polis Aruba cuminsa parti boet na esnan cu ta para den e plaza.
Sinembargo, tambe ta bon pa menciona cu debi na trabounan haci na Columbusstraat e areanan di parkeer tambe a ser afecta y esey por ta e motibo di pakico hendenan ta staciona nan auto den plasa aki.
