Recientemente durante e reunion publico di Parlamento di Aruba a trata Presupuesto Complementario 2023 di Pais Aruba. Durante su discurso, Minister di Enseñansa y Deporte, Endy Croes a contesta pregunta en conexion cu su ministerionan.
Minister Endy Croes a splica durante e reunion publico e cambionan den e presupuesto den e aspecto di enseñansa. A kita un total di AWG. 580mil for di subsidio di salario di e directivanan di scol y a aloca esaki pa otro proyectonan. A corta suma di diferente “directiva di scol”. Ademas, e suma cu tabata bay pa e scol cu e cera, tambe a usa pa e proyectonan aki. No obstante esey, e suma aki ta inclui e premie di NPR na 17.1% y despues a resulta na final cu ta 15.7%, cual tambe a usa pa otro proyecto.
Fuera di esaki, den Presupuesto 2023 ta bin dilanti e forma cu por yuda scol cu material pa siña nan trabao den sector hotelero. AHATA a haci un bunita donacion na E.P.B. San Nicolas. Minister Endy Croes a señala cu Colegio EPI tambe lo ricibi AWG. 325mil a traves di “normbedrag”.
En conexion cu e asuntonan di Ministerio di Deporte, Minister Endy Croes a indica cu a haci un peticion na Aruba Sport Unie (ASU) pa bin cu diferente curso pa educa e federacionnan con pa tin un bon maneho. E federacionnan mester ta fuerte pa por duna guia debidamente.
