(AP) — Manifestantenan oponiendo e acuerdo di paz di Good Friday cu a caba cu tres decada di hostilidad na Nort Irlanda a bom un auto di polis ayera na Londonderry durante un marcha riba e di 25 aniversario di e acuerdo, segun oficialnan a bisa.
Polis a haci un yamado pa mantene trankilidad, y a bisa cu ningun agente a resulta herida den e atake durante un demostracion por lo demas pacifico. No a reporta ningun aresto.
Polis a adverti adelanta cu agentenan por bira victima di atake den e bario Creggan durante e parada di Easter Mondau, pa cual no a duna permiso oficial, di republicanonan cu ta opone e acuerdo di paz negocia pa Merca acorda dia 10 di april, 1998.
Mientras varios centenar di persona – hopi bistiendo mascara preto riba nan cara – a marcha pacificamente door di caya cu bandera, algun hoben cu cara tapa a ataca un Land Rover di polis cu tabata para na fin di un caya y a tir’e cu piedra y bom di gasolin.
“Nos agentenan a bin bao atake na Creggan cu bom di gasolin y otro obheto cu a tira riba nan vehiculo,” Servicio di Polis di Nort Irlanda a tweet. “Nos ta apela pa calma.”
