(AP) – E telefonnan mobil di Spaña su Prome Minister y Minister di Defensa a keda infecta aña pasa cu e programa di spionahe Pegasus, cual ta disponibel solamente na agencianan di un pais su gobierno, autoridadnan a anuncia riba dialuna.
Prome Minister Pedro Sanchez su celular a keda infecta dos biaha den mei di aña 2021, y Minister di Defensa Margarita Robles su telefon a cay victima e luna despues, Minister di Gabinete Felix Bolaños a conta.
E actonan aki, cual a resulta den un gran cantidad di data obteni, no tabata autorisa pa un hues Spaño, cual a e rekisito legal pa operacion scondi nacional, Bolaños a bisa na un conferencia di prensa na Madrid.
“Nos no tin duda cu esaki ta un intervencion ilicito y sin autorisacion,” el a expresa. “E ta bini di organismonan fuera di e estado cu no tabatin ningun autorisacion hudicial.”
E Gobierno socialista tabata durante e lunanan aki bao di critica intenso tocante e manera cu nan a maneha varios politica stranhero cu Maroco y tabata den disputa domestico tocante e liberacion di separatistanan cu tabata encarcela na Spaña su region Catalonia.
Bolaños a nenga di specula ken ta tras di e infeccion aki di Pegasus, ni tampoco kier a bisa kico por a causa esaki. Corte Nacional a habri un investigacion tocante esaki, y un comite parlamentario tocante asuntonan di inteligencia tambe ta premira di investiga e incidente aki.
