Pa prome biaha, investigadonan a descubri restonan di cuatro Amazon di diferente edad den e mesun graf, segun un declaracion di Instituto di Arkeologia RAS di Rusia.

Den e graf, localisa na Rusia, traha di klei y bloki di palo, nan a haya skelet di cuatro muhe. Un ta calcula entre edad 12 pa 13 aña ora el a muri, e di dos tabata 20-29 aña, e di tres 25-35 aña y e di cuatro 45-50 aña di edad.

Scythians tabata tribunan nomadico di guerero cu tabata biba na Siberia entre 200 y 900 BC. Y Amazon, manera esunnan den e pelicula ‘Wonder Woman’, tabata muhenan guerero Scythian. E restonan ta alinea cu otro descubrimentonan anterior pa demostra cu Amazonnan tabata biba entre otro tribunan nomadico na Europa Oriental.

Artefactonan haya cu e restonan a yuda e investigadonan calcula cu nan entiero a tuma luga durante siglo 4 BC. Flecha di hero, hak di hero cu forma di parha, harnes pa cabay, cuchiu di hero, weso di animal, bakinan y un canica preto pinta cu cora a ser haya cu e adolescente y un di e muhenan hoben. Ladron di graf ya a habri nan graf den temponan antiguo.

Pero e graf di e otro dos muhenan tabata pristino, ainda reclinando riba cama di palo cubri cu yerba. E muhe hoben tabata dera como un ‘jinete’, incluyendo un tradicion specifico di dera cortando e tendon di e pianan. Bou di su schouder tabatin un spiel di brons, hunto cu dos lansa y un armband di glas. Dos baki, incluyendo un tayo cu laquer preto y un cup, tabata entre su pianan.

E muhe di mas bieu tabatin un sorpresa, ademas di su edad. E expectativa di bida averahe di un muhe Scythian tabata entre 30-35 aña, segun e investigadonan. A der’e den un calathos, of headdress ceremonial, decora cu platonan ornamental di flor y pendant.

Su joyanan tabata 65%-70% oro, mescla cu koper, silver y hero pa crea un alloy. Tipicamente, joyanan Scythian tin hopi menos oro. Tambe a der’e cu un cuchiu di hero lora den tela y un flecha di hero poco comun.

E headdress ta un hallazgo unico pasobra asina tiki a sobrevivi entiero pa ser descubri pa arkeologo, e investigadonan a bisa. Otro descubrimentonan a revela fragmento, na luga di e headdress ceremonial aki bon preserva cu su ornamentonan intacto.

A haya e restonan na un santana conoci como Devitsa V, un sitio cu a studia desde 2010 den e region Voronezh di Rusia. E aña aki, Don Archaeological Expedition di Instituto di Arkeologia di Academia di Ciencia Ruso a excava e restonan di e cuatro muhe.

“Amazon ta un fenomeno Scythian comun y durante ultimo decada, nos expedicion a descubri aproximadamente 11 graf di muhenan jong cu arma”, segun Valerii Guliav, hefe di expedicion Don. “A haci ritualnan di entiero pa nan cu usualmente tabata haci pa hende homber.”